#Claves de la semana

As comunidades galegas no exterior contribuirán á promoción nacional e internacional do filme galego “A ESMORGA"


emigracionaesmorga

Emigración dará soporte loxístico á estratexia de expansión dunha das producións cinematográficas galegas de maior éxito


|

esmorga



Santiago. O secretario xeral da Emigración, Antonio Rodríguez Miranda, recibiu no seu despacho a Ignacio Vilar, director da película galega “A Esmorga”, baseada no libro homónimo de Eduardo Blanco Amor, e que está a acadar un importante éxito de crítica e público en tódalas salas onde se proxecta, desde o día da súa estrea.


A Secretaría Xeral da Emigración xa ten colaborado coas comunidades galegas noutras ocasións para a difusión das producións audiovisuais galegas, de maneira que tanto a diáspora como as sociedades dos países receptores puidesen coñecer a calidade, tamén neste eido, das empresas galegas do sector.


Respondendo á petición da produtora, o departamento que dirixe Rodríguez Miranda colaborará coas comunidades galegas no resto de España, de Europa e América, para que sirvan de plataforma de expansión nacional e internacional á obra. Así, antes da estrea comercial oficial no resto de España –prevista para a primavera-, A Esmorga e Emigración traballarán conxuntamente para que director e actores podan dar a coñecer a produción nos centros e casas galegos no País Vasco, Cataluña e Comunidade de Madrid.


Preténdese despois desenvolver esta mesma liña de colaboración coas comunidades galegas fóra de España, coincidindo con celebracións importantes das mesmas. O mesmo ca noutros aspectos, desde Emigración quérese converter aos galegos e galegas residentes fóra da Comunidade Autónoma nos ‘embaixadores naturais’ da calidade e modernidade da Galicia actual, tamén no eido cinematográfico.


40.000 espectadores


“A Esmorga”, protagonizada polos galegos Antonio Durán ’Morris’ e Miguel de Lira e o vasco Karra Elejalde, está arestora nominada aos Premios Goya na categoría de mellor guión adaptado. Entre os seus méritos, cómpre sinalar que se trata da segunda película con maior recadación media en toda España na fin de semana da estrea, ten chegado aos 40.000 espectadores, segue nas carteleiras dous meses despois do primeiro pase, e alzouse co título de mellor estrea de todo o ano en España entre os filmes con menos de 100 copias (só 18 copias).


O impacto no ámbito cinematográfico foi de feito reseñado nunha das publicacións mundiais con máis prestixio do sector, o Hollywood Reporter, que chega a sinalar que “os festivais ávidos de obras singulares e xenuinas, que lles outorguen unha verdadeira relevancia, deberían repicar por A Esmorga”. Tanto o artigo orixinal coma a súa tradución ao galego están dispoñibles na web da produción, www.aesmorgafilme.com

Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE