#Claves de la semana
A Gala Show Cooking levarase a cabo o día 31as 19.30 horas no Museo Centro Gaiás

O CERTAME ‘DE TAPAS POR GALICIA’ DECIDIRÁ EN SANTIAGO CAL É O MELLOR PETISCO DA COMUNIDADE

Os chefs gañadores dos certames de tapas das sete capitais galegas compiten nunha gala de cociña en directo o martes 31 na Cidade da Cultura de Galicia



|


Santiago.- A cidade de Santiago de Compostela acollerá o próximo martes, 31 de marzo, a final do certame De Tapas por Galicia, na que se decide cal é o mellor petisco da Comunidade. Os gañadores dos concursos de tapas das sete grandes cidades galegas agrupados na experiencia promovida no outono e inverno pasados por Turismo de Galicia, cociñarán en directo as súas receitas ante perto de douscentos convidados en representación dos sectores da gastronomía e o turismo de Galicia, así coma dos concellos de orixe dos cociñeiros.


Esta gala constitúe a primeira experiencia dun concurso de tapas de ámbito galego, promovida por Turismo de Galicia para poñer en valor as rutas galegas de tapas e os pratos de pequeno tamaño. O certame recoñecerá ao mellor cociñeiro ou cociñeira de entre os sete gañadores dos concursos de tapas organizados en 2014 en Ferrol, A Coruña, Santiago de Compostela, Pontevedra, Vigo, Lugo e Ourense.


Os cociñeiros que optan ao Premio Mellor Cociñeiro De Tapas por Galicia son Gonzalo Pérez (Frank, Ferrol); Moncho Bargo (Spoom, A Coruña); Lucía Freitas e Nacho Tierno (A Tafona Casa de Xantar, Santiago); Rubén González e Sergio Orge (El Cafetín, Pontevedra); Carles Lapuente, (La Contenta, Vigo); Álvaro Villasante (Paprica, Lugo) e máis José Luis Fernández (Tapa Negra, Ourense).


Este galardón decidirao un xurado profesional conformado por Pepe Solla, cociñeiro e membro do Grupo Nove; Patricia Cuevas, directora do Centro Superior de Hostelería de Galicia; Francisco González, presidente do Clúster de Turismo de Galicia; Pablo Portabales, xornalista e crítico gastronómico; e Guillermo Fernández, delegado de Hijos de Rivera en Santiago.


Ademais do Premio ao Mellor Cociñeiro entregaranse outras dúas distincións: o Premio Especial As Tapas Estrella Galicia, que entrega esta firma, copatrocinadora do certame, ao pincho que mellor maride coas cervexas que produce; e o Premio Especial do Público, que decidirán cinco dos asistentes ao evento escollidos aleatoriamente na propia gala mediante un sistema informático.


A Gala Show Cooking levarase a cabo en directo desde as 19.30 horas no Museo Centro Gaiás, conducida polos xornalistas televisivos Yolanda Vázquez e Quique Morales. Cada cociñeiro contará co seu propio espazo de traballo, disposto en función das necesidades da súa receita, e todos rematarán os seus pratos ante os convidados.

Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE