Os galegos cobramos de media 500€ menos que os madrileños

O IV Monitor Anual sobre salarios elaborado por Adecco confirma que Galicia segue entre estando entre as comunidades autónomas co soldo medio máis baixo, que se sitúa nos 1.448 euros. 

Esta cifra convértenos nos terceiros pola cola, só cobran menos de media os canarios, con 1.402 euros, e os extremeños, que pechan a táboa con 1.334 euros. 

Pola contra, Galicia segue moi por debaixo dos 1.946 euros de media que cobran en Madrid ou dos 1.950 do País Vasco, soldos que superan nuns 500 euros á media galega. 

No conxunto estatal, o salario medio sitúase nos 1.640 euros, 192 euros por enriba do galego. 

Ademais, o estudio elaborado por Adecco en colaboración con investigadores de Barceló e Asociados revela que os galegos perderon de media un 5,7% de poder adquisitivo entre 2010 e 2015, por enriba da media estatal do 4,5%.