Unha marcha denuncia o uso da empresa pública Seaga como “unha ETT”
Traballadores camiñan dende Pontecesures ata Compostela, denunciando a "precarización" do persoal desta empresa
Traballadores da empresa pública Seaga, que participa nas labores de extinción de incendios forestais, camiñan este vernes dende Pontecesures en dirección a Santiago de Compostela. O obxectivo, denunciar que a Xunta está usando esta empresa “como unha ETT”.
Tras unhas seis horas de camiñada, ten previsto chegar en torno ao mediodía ata as mismas portas da Xunta, onde protestarán contra a "precarización" destes traballadores, que "só están contratados tres meses ao ano".
Denuncian que o cadro de persoal desta empresa se viu reducido a un cuarto nos últimos anos, pasando de 2000 a 500 efectivos, algo que vén como clara consecuencia da falta de definición nos labores de extinción de incendios, cun total de 11 entes dependentes da Xunta , concellos e Estado, entre outros.
Tamén acusan á Xunta de incumprir de forma "deliberada" a lei de funcionamento e racionalización do Estado e a Administración galega (Lofaxga), na que se recolle que todos os entes e empresas públicas adaptarán as súa condicións ás contempladas no V Convenio.
DEMANDAS
Segundo destaca a CIG, todo isto acontece mentres os traballadores de Seaga gañan demandas nas que se lles recoñece o dereito á retribución por nocturnidade (hai máis de 200 denuncias pendentes) ou a gozar de permisos e á cuantificación das horas extra, segundo destaca a CIG..
Ademais, os empregados de Seaga remarcan que o próximo 9 de xuño se celebrará un xuízo pola presentación de conflito colectivo, xa que nos contratos destes traballadores figura que teñen dereito a ser contratados polos períodos decretados pola Xunta de alto risco, pero con todo só son contratados por un período estrito de tres meses.
Escribe tu comentario