​SOS Sanidade Pública tratará de blindar a ampliación de Montecelo

A plataforma SOS Sanidade Pública tratará de blindar a ampliación do pontevedrés Hospital de Montecelo, levando ao parlamento galego unha iniciativa lexislativa popular para que o proxecto "non teña marcha atrás" e permita construir un centro "público e único" en Pontevedra.

Esperan que nalgún momento a ampliación de Montecelo se convirta non xa "nunha realidade, senón nunha obriga necesaria por lei".

Explican que na actualidade o hospital de Pontevedra non está en disposición de manter o mellor dos servizos debido a diferentes motivos como a súa "división en dous edificios separados por kilómetros de distancia" ou o "incumprimento de condicións mínimas de calidade e confort que debe ter un hospital de enfermos agudos, a raíz do deterioro producido polo paso de tempo e a ausencia de inversións".

Por eso queren asegurarse de que o proxecto de ampliación chegue a bo porto, promovendo unha iniciativa basada no artigo 43 da Constitución, que recoñece o dereito á protección da saúde, correspondendo aos poders públicos organizarse e tutelar a saúde pública mediante medidas preventivas, prestacións e servizos.