#Claves de la semana

​Os arqueólogos galegos ábrense á poboación

Cunhas xornadas que analizan a situación actual do sector


|

Arqueoloxia



Dende o Consello da Cultura Galega son conscientes de que existen formas moi diferentes de achegarse á actividade arqueolóxica. Recoñecen que para unha parte da poboación é "esa profesión que paraliza e atrasa as obras", mentres que para outros é unha "paixón" ou mesmo "unha auténtica descoñecida".


Por iso organizan unhas xornadas abertas á sociedade, nas que máis de vinte especialistas e profesionais que traballan arredor da arqueloxía participarán durante dous días nun encontro encamiñado a establecer o presente e o futuro da arqueoloxía galega desde todos os ángulos posibles: desde a docencia ata a profesión, pasando pola investigación científica.


Un encontro que todo o mundo pode seguir en directo a través da web consellodacultura.gal. Tamén se pon a disposición da poboación unha enquisa anónima na que poden dar a súa opinión sobre o sector da arqueoloxía.


As xornadas comezan cunha mesa titulada “Os profesionais da arqueoloxía antes os desafíos do século XXI” e pensada para ofrecer unha visión panorámica da situación actual e unha prospección de futuro, é dicir, dos retos que quedan por acometer. A segunda mesa, moderada por Rebeca Blanco-Rotea, fará un repaso polas iniciativas e proxectos desenvolvidos nos últimos anos en Galicia. Nela daranse a coñecer os convenios e contratos da universidade con empresas para realizar actuacións nesta materia, así como a visión de arqueólogos profesionais como Luis F. López González ou Fermín Pérez Losada. A primeira sesión pecha cunha terceira mesa centrada no ensino, na oferta e nos programas docentes relacionados co ámbito arqueolóxico tanto no marco universitario como fóra del, e nela participan Pilar Prieto, Pastor Fábrega e Beatriz Comendador Rey.

A xornada do mércores 15 centrará o foco en dúas cuestións centrais: dunha banda a actuación da Administración e, da outra, a percepción pública e profesional sobre a arqueoloxía. A cuarta mesa ten como título “Xestión recente do patrimonio arqueolóxico”. Miradas desde a Administración” e está moderada por Teresa Nieto, arquitecta especialista en planeamento e membro do Servizo de Patrimonio Cultural da Xunta de Galicia. Nela falarán profesionais pertencentes a diferentes administracións (local, provincial e autonómica) para reflexionar sobre xestións e proxectos relacionados con esta materia. As xornadas conclúen cunha quinta mesa pensada para recoller as miradas doutras profesións sobre a arqueoloxía galega. Un arquitecto restaurador, un arquitecto urbanista, un enxeñeiro de camiños, un especialista en planeamento e un investigador conforman os perfís profesionais desta mesa.

Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE