​Só Pacma e os populares soben en número de votos

O Partido Animalista contra o Maltrato Animal (Pacma), sexta forza en Galicia, é a única xunto co Partido Popular que crece en número de votos nas xerais deste domingo, cuns 3.000 apoios máis e ascensos nas sete grandes cidades.

En concreto, Pacma obtivo en toda a comunidade galega preto de 16.600 respaldos, e alcanzou en torno ao 1,1% dos sufraxios. O 20 de decembro conseguira 13.523 papeletas e o 0,82% dos sufraxios.

Desta forma, queda por riba de Recortes Cero-Grupo Verde (uns 3.760 votos), Comunistas de Galiza-PCPE (uns 1.650 votos), Vox (algo máis de mil), UPyD (menos de 1.000), Escanos en Branco (sobre 700) e SAIn (uns 400).