#Claves de la semana

​O nacionalismo busca o camiño para reverter a "decadencia electoral do BNG"

Cargos do partido e outras persoas vinculadas saltan a liña oficial e chaman a "superar as diferenzas menores" entre o galeguismo e as mareas.


|


Manifestaciondiapatrianacionalismo

Un grupo de persoas vinculadas ao nacionalismo, entre elas cargos do BNG como as deputadas Carme Adán e Tereixa Paz e a portavoz do BNG en Bruxelas, Ana Miranda, tentan un novo xiro para as eleccións autonómicas deste ano. Así, redactaron un novo documento baixo a denominación 'Chamamento de Vidán', que busca unha visión diferente á que actualmente ten a formación frontista.

A XV Asemblea do BNG aprobou o pasado mes de febreiro a súa folla de ruta para as eleccións autonómicas na que, coa mirada posta en ampliar o proxecto nacionalista, exclúe calquera alianza previa con forzas como Esquerda Unida e Podemos. Estas dúas formacións participaron nas mareas do mesmo xeito que Anova, o partido que lidera Xosé Manuel Beiras e que se fundou despois da escisión dos 'irmandiños' do BNG en 2012, tras a asemblea de Amio.

No manifesto de Vidán, ademais de nomes vinculados ao BNG, como o seu exportavoz nacional, Xavier Vence, e a profesora universitaria Alba Nogueira, ambos defenderon, do mesmo xeito que as dúas deputadas mencionadas e Ana Miranda senllos votos particulares e un texto de común acordo, alternativo á liña oficial que finalmente triunfou na asemblea, e na que se avogaba por explorar acordos coas mareas.

Con todo, nos últimos días, a portavoz nacional do BNG, Ana Pontón, reafirmouse no polo nacionalista e as críticas a En Marea, máis visibles na recente campaña electoral, foron constantes con acusacións de non defender os intereses de Galicia en Madrid.

DÍA DA PATRIA

Neste escenario fraguouse este manifesto, que se dá a coñecer agora e coa mirada posta tamén no próximo 25 de xullo, despois de que o pasado ano fose posible unha convocatoria

conxunta o Día da Patria, no que confluíron todas as forzas nacionalistas e tamén asistiron axentes sociais e políticos como Esquerda Unida nun percorrido que habitualmente copaba o BNG.

Con todo, o contexto actual variou con respecto ao ano pasado, tendo en conta que a próxima contenda electoral está próxima e a dirección do BNG quere diferenciar unha "alternativa nacionalista" nas próximas eleccións autonómicas, ao que hai que sumar que as forzas políticas estiveron centradas nas xerais de xuño e que non hai ningunha plataforma, coma en 2015, que apostase por repetir a fórmula do ano pasado.

Neste sentido, o chamamento feito por este grupo de militantes e persoas da órbita nacionalista, na que están tamén persoas que se foron desvinculando da militancia de diferentes organizacións deste ámbito, fai unha apelación a unha "celebración conxunta do 25 de xullo, dirixida a todos os galegos, galeguistas e nacionalistas, para que nesa data concrétese unha convocatoria fraterna, seguindo o precedente" de 2015. Podería darse un acto conxunto sen que fose a habitual manifestación que se celebra ese día.

CHAMAMENTO DE VIDÁN


Este grupo de persoas que asinan o 'Chamamento de Vidán', ao que dá o nome o lugar onde se reuniron, conclúe que o nacionalismo galego, despois do 26 de xuño (cultivou menos de 50.000 votos), "atópase nunha encrucillada" caracterizada pola "decadencia electoral do BNG e da dificultade doutras alternativas políticas formadas por nacionalistas e de esquerda para representar apropiadamente os intereses de Galicia", unha das "causas probables da decadencia acusada por esta nova alternativa nas últimas eleccións xerais".

Esta situación "ameaza as expectativas de desaloxo do PP nas eleccións galegas do próximo outono", polo que este grupo de persoas fai un chamamento a "superar as diferenzas menores" de forma que "sexa posible alcanzar un gran acordo que traia ilusión aos galegos".

Máis aló da conxuntura electoral, no chamamento deféndese a necesidade de "remover as estruturas actuais do nacionalismo" e a "organización nacionalista de nova planta, sólida, con vocación maioritaria, transversal e que xunte a todas as persoas que teñen Galicia como nación".

Para iso, este grupo insta a "todas as persoas e forzas políticas galegas a dar os pasos necesarios para superar o estado actual de impotencia política e dispersión para levantar unha nova alternativa que sume a todos os que aspiren a reunir unha maioría social de cambio ao redor da idea de que Galicia sexa o verdadeiro suxeito político".

FORZA SUFICIENTE
A preguntas dos medios sobre o 'Manifesto de Vidán', Miguel Anxo Fernández Lores, defendeu a "capacidade e forza suficiente" do BNG sen necesidade de confluír con outras formacións como Anova, Podemos ou Esquerda Unida, para "loitar por este país".

O alcalde de Pontevedra dixo que non perderá "nin dous minutos" neste documento. O alcalde asegurou que o Bloque conta tamén co apoio de "nacionalistas que non militan en ningún partido e que se senten galegos".



relacionada ​El nacionalismo se presentará fragmentado a las autonómicas
relacionada Néstor Rego reivindica mantener la UPG para dar "pluralidad" al BNG
relacionada Os dous camiños do nacionalismo galego
Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE