Galego
O Refuxio de Cambados loita por salvarlle a vida a Vali
Estaba abandonado nunha leira, levaba dous meses sen comer e atopábase nun estado de desnutrición e deshidratación extremos.
Onte pola mañá o refuxio de Cambados recibía unha petición e con ela, unha foto dun can. Estaba abandonado nunha leira de Meis, totalmente desnutrido e deshidratado. O mozo que o atopou optou por pedir axuda inmediata ao ver que o can era incapaz de moverse. O refuxio bautizouno como Vali (probablemente por valiente, por sobrevivir dous meses sen comer), e deixárono ingresado na clínica do propio refuxio co soro posto, un pouco de comida e moito cariño.
Dende o refuxio din que “non está ben” pero esperan que recobre a saúde para así buscarlle un fogar e que recupere a vida que merece.
Escribe tu comentario