#Claves de la semana

O Estado quedou con 5 millóns dos concellos galegos

A Fegamp atopou un "posible desaxuste" nas contas do 2014, que outorgaron ás deputacións e aos municipios "menos do que lles correspondería".


|

Dinero3


A federación galega de municipios e provincias (Fegamp) atopou un "posible desaxuste" na liquidación da participación de ingresos do Estado practicada en xullo deste ano e correspondente a 2014.


A través dun comunicado, a Fegamp di que o índice de cálculo co que se repartiron as partidas "viuse afectado pola devolución do chamado céntimo sanitario: un gravame que se recadou de 2011 a 2012 e que foi declarado nulo pola Unión Europea".


Respecto diso, sinala que, "a pesar de que foron as comunidades autónomas as que se beneficiaron del en exclusiva, agora as contías que o Estado ten que devolver aos cidadáns que as reclamen repercuten nos concellos".


No caso de Galicia, a Fegamp estima que os municipios percibiron ao redor de 5 millóns "menos do que lles correspondería". E concreta que 2,5 millóns correspóndense coas deputacións provinciais, 1,1 millóns cos concellos en réxime de cesión --as grandes cidades menos Ferrol-- e 1,5 millóns co resto de municipios.


A Fegamp trasladou este "desaxuste" á federación española de municipios nunha reunión este luns en Madrid. Ademais, o presidente, Alfredo García, presentou estas cifras aos equipos de goberno e técnicos das principais urbes e dos catro organismos provinciais.


García sinala mediante a nota que remitirá un escrito formal a Facenda para que "axuste as contas e Galicia perciba o que lle corresponde"

relacionada El nuevo presidente de la Fegamp pide la derogación de la ley de racionalización y sostenibilidad local
relacionada ​A Xunta e a Fegamp pactan unha axenda social para 5 anos a 5 meses das eleccións
Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE