#Claves de la semana

​Os nenos españois inícianse no uso da internet aos 9 anos

40% dos menores de entre nove e trece anos ten perfil en redes sociais, segundo un estudo. 


|

Menoresinternet


A idade media coa que os menores españois se inician no uso da internet sitúase ao redor dos nove anos, segundo datos publicados e recollidos pola empresa española do sector das novas tecnoloxías e redes intelixentes Monsan.


Así mesmo, o 41% dos nenos de once anos xa conta cun teléfono móbil e un 40% dos menores de entre nove e trece anos de idade conta con perfís nestas plataformas sociais, a pesar de que existe un límite de idade para rexistrarse nelas, segundo lembra a compañía.


Tal e como sinala Monsan, son os máis novos quen domina as redes sociais á perfección e saben sacarlle o máximo partido. Con todo, Monsan advirte de que un uso inapropiado de instrumentos como o móbil ou a tablet para acceder ás redes sociais expón a adultos e sobre todo a menores, os máis vulnerables, a certos riscos.


"GROOMING" 


Segundo explica a compañía responsable do estudo, actualmente existe non só un aumento expoñencial de delitos e fraudes a través de dispositivos móbiles, senón tamén un incremento do 'grooming', termo co que se fai referencia ao acoso dixital dun adulto a un menor.


"Os depredadores sexuais achéganse aos menores creando perfís falsos en distintas redes sociais nos que finxen e falsean ser un adolescente como eles --explican desde a compañía--. Unha vez se produce o achegamento é cando empeza o acoso e a coacción".


A resposta que propón Monsan a esta situación e, así, evitar a desprotección dos menores na rede, atópase na educación. Por este motivo, a compañía insta a pais e profesores a colaborar xuntos para que os menores fagan un bo uso destas tecnoloxías e sexan conscientes dos perigos que corren se fan o contrario.


Para iso, é importante segundo Monsan, que se teñan en conta algunhas medidas como, por exemplo, non revelar datos persoais nin claves a persoas descoñecidas, ou que os pais teñan acceso ás contas da internet dos seus fillos menores de idade.

relacionada ​Galicia es la comunidad con menor tasa de internautas
relacionada Para dudas sobre la salud, mejor no fiarse de Internet
relacionada Sobre periodismo y comunicación transmedia
Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE