#Claves de la semana

15 días de actividades en Compostela para concienciar sobre o cancro de mama

Desde o día 19 ata o 23, os autobuses urbanos de Santiago levarán carteis cun lazo rosa e este mércores, os balcóns do Pazo de Raxoi e a Cidade da Cultura iluminaranse en cor rosa.


|

Cancerdemamasantiago


O Concello de Santiago, en colaboración coa Asociación Española contra o Cancro (AECC), programa 15 días de actividades e iniciativas para concienciar sobre o cancro de mama coincidindo co Día Mundial desta doenza este mércores. 


A concelleira de Políticas Sociais de Santiago, Concha Fernández, xunto coa presidenta e vicepresidente locais da AECC, Luz Hernández e Antonio Guerreiro, presentaron estas iniciativas, que se estenderán ata final de mes.


Concha Fernández destacou que o obxectivo desta campaña é "visibilizar a enfermidade" e "continuar avanzando" no campo da investigación para conseguir tratamentos máis efectivos.


Así, desde o día 19 ata o 23, os autobuses urbanos de Santiago levarán carteis cun lazo rosa e este mércores, os balcóns do Pazo de Raxoi, as torres Hejduk da Cidade da Cultura e a fachada do veciño Concello de Ames iluminaranse en cor rosa, símbolo desta enfermidade.


Do mesmo xeito, a asociación Me.I.Ga colabora, tamén o mércores, colocando unha mesa informativa na Facultade de Medicina, a mesma xornada na que o Multiúsos Fontes do Sar e o complexo Santa Isabel realizarán accións solidarias que tinguirán de rosa as súas actividades deportivas. Toda a recadación dese día doarase integramente á AECC.


O xoves, día 20, instalarase unha carpa na Praza Vermella, en colaboración coa Fundación Siel Bleu, con intención preventiva, divulgativa e de captación de fondos. Nela repartiranse folletos informativos, globos e lazos rosa.


O día 22 celebrarase o II Maratón de Manicuras Solidarias en Consínteche, centro de estética situado en Bertamiráns e que dedicará os fondos dos seus 'manicuras express' á AECC. Finalmente, o día 29, a Praza Macías en Padrón acollerá unha master class de zumba organizada por Eneida León e a beneficio da asociación de loita contra o cancro. A actividade iniciarase ás 12,00 horas.

relacionada ​El diagnóstico precoz del cáncer de mama, clave en su curación
relacionada ​El Corte Inglés se suma al Día Mundial contra el Cáncer de Mama
relacionada ​Un test genómico evita la quimioterapia innecesaria contra el cáncer de mama
Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE