#Claves de la semana

​Arde un camión en Oza-Cesuras que transportaba 600 quilos de coiro

Outro incendio na Gudiña, provocado por unha tixola que estaba ao lume, calcinou unha vivenda


|

Camioncueroincendio


Un camión incendiouse este mércores cando circulaba polo concello de Oza-Cesuras (A Coruña) e mentres transportaba uns 600 quilos de coiro, repartido en caixas, segundo informa o 112.


En concreto, os feitos producíronse na AC-840, a estrada que une A Coruña con Curtis, á altura de Trasanquelos. Tanto a cabina do vehículo como a súa carga quedaron completamente afectadas polas chamas.


O lume declarouse cara ás 15,00 horas, momento no que o propio camioneiro chamou ao 112 para explicar a súa situación. Segundo indicou, xa tentaran apagar o incendio con varios extintores, pero non o lograban.


O 112 alertou entón aos bombeiros de Betanzos e ao GES de Curtis, que enviaron senllas dotacións ao momento. Tamén foi informada a Garda Civil de Tráfico.


Os efectivos mobilizados encargáronse de sufocar o incendio e segundo explicaron as tarefas para evitar que o lume se reavivase foron laboriosas. O camión tivo que ser retirado coa axuda dun guindastre.


INCENDIO NA GUDIÑA


Entre tanto, un incendio calcinou boa parte dunha vivenda da rúa Silveira, na Gudiña. O lume declarouse sobre as 14,30 horas nunha tixola que estaba no lume.


O lume propagouse pola estancia, unha ampla cociña con salón e comedor. As chamas tamén afectaron o teito dese piso. De feito, prenderon no faiado e afectaron a numerosas pertenzas almacenadas.


A planta baixa da vivenda sufriu danos pola auga empregada polos efectivos de emerxencias para sufocar o incendio. O GES da Gudiña encargouse de alertar da situación ao 112 e tamén a Protección Civil e a Garda Civil.

relacionada ​Arde una ambulancia estacionada en A Coruña
relacionada ​As queimas agrícolas volven estar permitidas desde o domingo
Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE