​Atraca en Baiona unha réplica do barco que deu a primeira volta ao mundo

|

Barcobaiona


O porto pesqueiro de Baiona acollerá durante este fin de semana a unha réplica da nave Vitoria, barco que realizou a primeira volta ao mundo e que permanece atracada na localidade pontevedresa desde a mañá deste venres.


A embarcación, que abrirá as súas portas ao público para visitas, é unha réplica do navío que en 1519-1522 realizou a primeira volta ao mundo, unha expedición que por primeira vez conseguía circunnavegar o planeta.


Símbolo dun dos barcos máis emblemáticos da historia da navegación, esta réplica realizou durante os anos 2004-2006 a súa propia volta ao mundo navegando cunha tripulación de 20 persoas a través de máis de 26.000 millas e visitando no seu periplo 17 países.


A Victoria chega a Baiona facendo escala na súa ruta de regreso a España, tras a xira que realizou desde a primavera por diversos países do norte de Europa. Desde o pasado mes de maio, visitou distintos portos de Alemaña, Polonia, Holanda, Inglaterra e Francia.


A nave Vitoria partiu o pasado 17 de outubro do porto francés de Nantes e, tras unha travesía de cinco días, arribou a Baiona, onde permanecerá atracada o fin de semana. A continuación, seguirá a súa travesía ata o seu porto base en España, Porto Sherry (Cádiz), onde dará por concluída a súa xira.

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Condiciones de uso Consejo editorial
Powered by Bigpress