Chapela maniféstase contra o "ruído infernal" das obras da AP-9

|

AP9ruidochapela

Máis dun centenar de veciños e estudantes da parroquia de Chapela, no municipio de Redondela (Pontevedra), saíron este venres á rúa para manifestarse contra o "ruído infernal" e as molestias que provocan as obras de ampliación da autoestrada AP-9, e que impiden o descanso dos veciños e o normal desenvolvemento das clases no IES de Chapela e no CEIP Igrexa.


Segundo explicaron varios portavoces da Plataforma de Afectados pola ampliación da AP-9, a concesionaria está a executar os traballos nunha zona urbana, sen ningún tipo de medidas para paliar a contaminación acústica, o que provoca que os veciños máis próximos ao viario "leven anos tomando medicación para durmir".


Así, denunciaron que "os ruídos son continuos", desde que empezan os traballos "sobre as 5,30 ou 6,00 horas da mañá, ata a madrugada", e que mesmo, no IES de Chapela, chegaron a facerse medicións acústicas que superaban os 100 decibeis.


Por outra banda, unha portavoz dos pais e nais do CEIP Igrexa acusou á concesionaria e ás administracións públicas de non cumprir a súa promesa de expropiar os terreos do centro educativo para construír un novo colexio noutra zona. Por contra, os nenos seguen indo a clase nun edificio situado a escasos metros da autoestrada e das obras, "con ruídos insoportables, sen poder abrir as xanelas e aguantando vibracións".


Ademais, os veciños advirten de que as molestias non finalizarán cando se acabe a obra, porque a ampliación da autoestrada supoñerá para moitos deles ter o tráfico da AP-9 máis preto das súas vivendas.


"E non sabemos nada do proxecto nin de como se van a repoñer os servizos, ou se van poñer os biombos acústicos que nos prometeron", incidiu un dos membros da plataforma, que lembrou que a parroquia de Chapela xa sufriu "os prexuízos económicos e sociais" que trouxo consigo a construción da autoestrada hai 36 anos.

relacionada "Frente común" por la AP-9
relacionada ​Fomento veta debater no Congreso a tranferencia a Galicia da AP-9

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Condiciones de uso Consejo editorial
Powered by Bigpress