Falece o sociólogo e escritor galego Fermín Bouza Álvarez
Desenvolvía a súa actividade como catedrático de Socioloxía na Complutense de Madrid.
O sociólogo e escritor galego Fermín Bouza Álvarez, fillo do intelectual Fermín Bouza Brey, faleceu o pasado sábado aos setenta anos en Madrid.
Altamente considerado entre a comunidade científica e universitaria, e tamén entre o colectivo de galegos en Madrid, Bouza Álvarez desenvolvía a súa actividade profesional como catedrático de Socioloxía, especializado en Opinión Pública, na Universidade Complutense de Madrid. Era tamen colaborador de diversos medios galegos e tiña un blog en lingua castelá, El voto con botas, no que ademais de comentar a actualidade, relataba con pinceladas a súa enfermidade.
Persoaxes públicas como Martiño Noriega ou Manuel Rivas lanzaban onte mensaxes de loito polo pasamento de Bouza Álvarez. Tamén alumnos e amigos lle dedicaban palabras de agarimo nas redes sociais.
Morreu Fermín Bouza Álvarez. Onte, 29, na hora do fusco, nun hospital de Madrid. Era luminoso e valente, un punto de luz cruzaba o escuro.
— manuel rivas barrós (@Rivasbarrs) 30 de octubre de 2016
Este fue mi profesor. El mejor que tuve. Gracias Bouza. Fermín Bouza Álvarez, el profesor pelirrojo y la luciérnagahttps://t.co/EvQOGpl4u0
— Áurea Ruiz Martínez (@aureolaa16) 31 de octubre de 2016
O seu corpo incinerábase hoxe, ás 10.20 horas, no cemiterio da Almudena, segundo informa Faro de Vigo.
Escribe tu comentario