#Claves de la semana

Catro de cada dez emprendedores montan un negocio por necesidade

A falta de alternativas de emprego impulsa cada vez máis os proxectos que nacen en Galicia. A taxa de emprendemento segue por baixo da española.


|

Emprendedores


A taxa de actividade emprendedora creceu en Galicia en 2015 ata o 5,51% --representa a porcentaxe de poboación adulta en proxectos de menos de 42 meses de actividade--, fronte ao 3,91% que supoñía en 2014, segundo o segundo o informe Global Entrepreneurship Monitor (GEM).


Galicia reduce así a súa fenda no impulso de novos proxectos emprendedores respecto de España, xa que en 2014 había unha diferenza de 1,55 puntos e en 2015 queda en 0,19 puntos, pero o 5,51% galego continúa por baixo da media estatal (5,7%), segundo figura no informe que presentou este venres en Santiago a directora-técnica de GEM-Galicia, Isabel Neira.


Deste xeito, a Comunidade galega rompe en 2015 co período de decrecemento entre 2012 e 2014, nunha tendencia motivada polo auxe de novas iniciativas empresariais entre os tres e os 42 meses de actividade.


Con todo, no informe figura que entre estes novos emprendedores aumentan os que montan un negocio por necesidade e falta de alternativas de emprego ata un 43,5% do total en 2015, cando supoñían o 37% en 2014. Ademais, trátase da taxa máis alta na última década --entre 2005 e 2015--, período histórico no que se realizou este estudo.


Con todo, baixan os que o fan por oportunidade de negocio ou outros motivos ata un 56,49% en 2015, cando en 2014 eran un 57,85% do total.


SECTORES E AUMENTO DE ABANDONO


O único dos sectores que aumenta en 2015 é da transformación (25,34% do total), mentres baixan os negocios orientados ao consumo (44,74%), os servizos a empresas (21,88%) e o sector extractivo (8,04%).


Xunto a isto, detéctase que en 2015 increméntase a percepción de oportunidades para a creación de empresas ata situarse nun 34,77% --era do 26,44% en 2014--, aínda que tamén sobe o temor ao fracaso ao 43,7%, cando un ano antes só representaba o 36%.


Ademais, a taxa de abandono en Galicia das iniciativas emprendedoras sobe do 1,85% ao 2,34% en 2015, en contraposición ao descenso a nivel estatal. As causas máis destacadas para deixar a actividade son, por orde, unha rendibilidade insuficiente, motivacións persoais e a xubilación. No outro extremo, a iniciativas consolidadas teñen unha taxa na Comunidade galega por encima da media española.


RADIOGRAFÍA DO EMPRENDEDOR GALEGO


Segundo este estudo, a idade media do emprendedor galego vai á alza, ata situarse por encima dos 40 anos, pois só o 21% ten entre 25 e 34 anos.


A maioría son microempresas sen empregados e un só propietario, e defínense como non innovadoras (un 80% do total). Con todo, a 64,4% espera incrementar os seus persoais. Un 63% afirma ter formación específica para emprender e o 68,6% non exporta.


Aínda que hai un incremento da actividade emprendedora da muller galega, prodúcese un descenso entre 2014 e 2015 da proporción de mulleres respecto dos homes en todas as fases do proceso, salvo no emprendemento consolidado.


"BOS" RESULTADOS


Á presentación deste informe celebrada en Santiago acudiu o reitor da USC, Juan Viaño, que considera que os de 2015 son uns "moi bos" resultados no emprendemento galego.


Respecto diso, sinala que o 29% dos universitarios teñen intención de emprender, o 7,5% xa participaron nunha empresa e o 5% crearon a súa propia.


Sobre este extremo, o secretario xeral de Universidades, José Alberto Díaz de Castro, resaltou que se percibe unha actividade emprendedora "moi superior" entre aqueles con estudos universitarios fronte aos que non os teñen.


Pola súa banda, o responsable do Instituto Galego de Promoción Económica (Igape), Javier Aguilera, puxo en valor estes "datos positivos" de aumento da actividade emprendedora, tras "seis ou sete anos onde todo era negativo".

relacionada ​Os emprendedores galegos reúnense no Gaiás
relacionada "Galicia non existe no mapa da innovación"
relacionada ​Fundación ONCE lanza ayudas a proyectos de emprendimiento para personas con discapacidad
Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE