Anúlase a absolución dos acusados no caso das multas de Lugo
jueves, 21 de mayo de 2015, 12:28
O Tribunal Supremo anulou a sentenza absolutoria dos 23 acusados no denominado caso das multas de Lugo ao considerar válidas as probas, á vez que expón que a Audiencia luguesa deduza testemuño a efectos penais contra a xuíza instrutora, Ronsel San José, pola súa “teimosía”, segundo informa o Tribunal Superior de Xustiza de Galicia (TSXG).
Así, o Supremo estima o recurso da Fiscalía e ordena retrotraer as actuacións á fase de deliberación subseguinte á celebración do xuízo, para que, polos mesmos maxistrados da Audiencia de Lugo que ditaron a sentenza agora anulada, “se delibere e redacte unha nova sentenza partindo da validez das probas que foron anuladas e da inexistencia de violación do dereito constitucional ao xuíz predeterminado pola lei”.