O Pazo da Cultura de Pontevedra acollerá o vindeiro 26 de setembro o VI Congreso de Escritoras/es, actividade da Asociación de Escritoras e Escritores en Lingua Galega, co apoio do Concello de Pontevedra, baixo o título '¿para que (quen) escribimos o futuro?'.
A programación foi presentada o venres nunha comparecencia da concelleira de Cultura, Anxos Riveiro, e o presidente da Asociación, Cesáreo Sánchez Iglesias, quen destacou que "Pontevedra xa se converteu na capital da literatura infantil e xuvenil de Galicia".
Segundo explicou
Cesáreo Sánchez Iglesias se constituirán seis grupos de traballo:- Dereitos de autoría e profesionalización (Francisco Castro)
- A oralidade como soporte literario (Antonio Reigosa).
- O futuro da literatura dramática (Afonso Becerra)
- Novas formas de edición (Rosalía Fernández Rial).
- Lusofonia como renovada oportunidade (Carlos Quiroga)
- Formación de lectores/as (Ledicia Costas).
Pola súa banda, a edil recordou que "o Concello sempre está aberto para acoller actividades como a da Asociación de Escritores e Escritoras en Lingua Galega" así como outras actividades vinculadas, como as escolas de escritores que promoveu durante meses pasados a Concellaría en colaboración con escritores galegos do prestixio.
Ademais do encontro dos escritores galegos, unha cita para a que están confirmados 55 autores, tamén haberá unha actuación musical aberta ao público por parte de "Xardín desordenado". Será ás 20,00 horas tamén no Pazo da Cultura.
PROGRAMACION