O xefe de servizo de Cardioloxía do CHUVI, novo presidente da Sociedad Española de Cardioloxía

Redacción

sábado, 31 de octubre de 2015, 23:51

Andrés Íñiguez Romo é licenciado en Medicina e Cirurxía pola Universidade Complutense de Madrid, especialista en Cardioloxía, e Doutor en Medicina.

Na súa traxectoria profesional, realizou a especialidade MIR e traballou como especialista en Cardioloxía no Departamento Cardiopulmonar no Hospital Clínico San Carlos de Madrid. Neste hospital formouse como cardiólogo intervencionista na Unidade de Hemodinámica e Cardioloxía intervencionista.

A continuación, pasou a dirixir a Unidade de Cardioloxía Intervencionista do Hospital Fundación Jiménez Díaz de Madrid .

En xuño do 2004 asumiu a dirección da Unidade de Cardioloxía Intervencionista do Complexo Hospitalario Universitario de Vigo, e desde xullo do 2007 é o xefe de Servizo de Cardioloxía deste Complexo.