O temporal manterase durante a fin de semana
viernes, 8 de enero de 2016, 17:02
Galicia permanecerá durante toda a fin de semana en estado de alerta por choivas e ventos, que afectarán tanto ao litoral como ao interior. Os ventos en terra poderán acadar refachos de 100 kilómetros por hora, na costa prevense ondas de cinco a oito metros de altura. A choiva seguirá sendo persistente por toda Galicia, espéranse entre 80 e 100 litros en 12 horas.
Depois das numerosas inundacións e incidencias que se produciron durante a xornada do venres, é fundamental encarar a fin de semana con coidado. Protección Civil recorda que convén asegurar portas, ventás e todos aqueles obxetos que poidan caer á vía pública; manterse lonxe de cornisas, árbores, muros ou edificacións en construcción.
En caso de ter que conducir, será necesario extremar as precaucións, especialmente na saída de túneles, adiantamentos e cruce con vehículos pesados en estradas de dobre sentido, prestando atención en todo momento ante a posible presenza de obstáculos na calzada.
É preferible circular por estradas principais. Se comeza a chover de forma torrencial, Protección civil aconsella non atravesar nin co vehículo nin a pé os tramos inundados e no caso de estar no campo, manterse alonxado de ríos, torrentes e zonas baixas.