Rajoy conta con eleccións en Xuño
viernes, 19 de febrero de 2016, 10:03
Habendo cámaras, ninguén pode relaxarse, e menos cando se é presidente do Goberno. Os xornalistas captaron unha charla informal de Mariano Rajoy con David Camero, primeiro ministro británico, na que lle confesa que o máis probable é que haxa novas eleccións en España o 26 de Xuño, xa que non confía en que Pedro Sánchez consiga formar Goberno.
"Temos sesión de investidura en marzo, pero eu creo que non vai saír. O máis probable é que haxa eleccións o 26 de xuño. O máis probable", explicou Rajoy a Cameron, nos momentos previos ao comezo do Consello europeo.
Aínda que non se percibe claramente a resposta de Cameron, que está de costas ás imaxes, Rajoy responde cun "si, si, o mesmo día", o que fai pensar que o 'premier' británico se refire á convocatoria do referendo sobre a pertenza de Reino Unido á UE, cuxa data non se coñece pero para a que se baralla o mes de xuño como posible.
O líder británico, ademais, chancea con que Rajoy convoque eleccións en "nadal" e en "verán". "Téntalo todo", di Cameron ao presidente español, ao que desexa "boa sorte" antes de concluír a conversación.
As cámaras tamén captaron ao presidente do Goberno conversando de maneira informal co primeiro ministro de Estonia, Taavi Roivas, ao que explica que a situación postelectoral en España é "un lío enorme".
"Está moi complicado, é probable que haxa que repetilas", indica Rajoy ao seu colega estoniano, ao que explica a relación de escanos obtidos por cada forza.