Amancio Ortega é máis rico que Eslovenia
martes, 1 de marzo de 2016, 17:37
O empresario galego Amancio Ortega gaña posicións na última edición da lista elaborada pola revista 'Forbes', adiantando ao mexicano Carlos Slim e ao estadounidense Warren Buffet colocándose como segungo home máis rico do mundo. A súa fortuna cífrase nos 67.000 millóns de dólares, unha cifra que supera o Producto Interior Bruto de países europeos como Croacia ou Lituania.
Aínda así, segue por debaixo de Bill Gates, que consigue manter en 2016 o seu título de home máis rico do mundo grazas ao seu patrimonio de 75.000 millóns de dólares.
Na última edición da listaxe, Gates aparece secundado polo español Amancio Ortega, fundador e accionista maioritario de Inditex, cuxa fortuna estimada aumentou un 3,9% no último ano, ata 67.000 millóns de dólares.
Deste xeito, Ortega logra adiantar a Warren Buffet, que conserva a terceira posición de 2015, cun patrimonio de 60.800 millóns de dólares, un 16,3% menos, e desbancando ao mexicano Carlos Slim, que perde dúas posicións, cunha fortuna de 50.000 millóns de dólares, un 35% menos que en 2015.
De feito, o empresario español chegou a ocupar brevemente o simbólico primeiro posto da lista 'Forbes' o pasado 23 de outubro, cando a súa fortuna persoal estimada chegou a sumar 79.800 millóns de dólares , fronte aos 78.100 millóns de dólares de Bill Gates, que recuperaría a primeira posición grazas á forte revalorización das accións de Microsoft.
Entre os 1.810 'milmillonarios' listados por 'Forbes' na última edición da súa clasificación de grandes patrimonios, ademais de Amancio Ortega aparecen outros 20 españois, que xunto ao fundador de Inditex suman un patrimonio agregado de 113.200 millóns de dólares).
En concreto, tras o fundador de Zara, o segundo maior patrimonio nacional corresponde á súa filla, Sandra Ortega, que sobe do posto 225 ao 178, con 6.400 millóns de dólares.
Juan Roig, presidente de Mercadona, colócase na posición 240 con 5.400 millóns de dólares seguido de Isak Andic (Mango) no posto 477, con 3.400 milllones de dólares mentres que o presidente de OHL Juan Miguel Villar Mir aparece no posto 549, con 3.100 millóns de dólares.