As primarias do PSdeG serán antes de xuño
martes, 29 de marzo de 2016, 09:17
O PSdeG elixirá ao seu candidato para a Xunta nunhas eleccións primarias que se celebrarán antes do mes de xuño. Unhas primarias nas que seguen faltando candidatos. A presidenta da xestora que dirixe actualmente o partido, Pilar Cancela, súmase á lista de descartes para liderar o PSdeG.
"Por incidir na cuestión, neste momento non está para nada no meu pensamento", reiterou Pilar Cancela, sobre se se presentará como candidata ás primarias. "Se hai adianto, estaremos preparados, o que significa que o calendario de primarias se fixará pronto", remarcou Pilar Cancela, quen dixo que "previsiblemente" será antes de xuño.
Este luns tivo lugar a primeira reunión da comisión xestora, que se constituiu formalmente trala dimisión de José Ramón Gómez Besteiro o venres día 18, por mor dos seis supostos delitos que investiga a xuíza Pilar de Lara (e que se suman a outros catro noutra operación xudicial). Ferraz puxo á fronte da xestora, que ten un prazo de seis meses para convocar un congreso que elixa unha nova executiva, á que era secretaria de Organización na anterior executiva e deputada no Congreso.
FALTA DE CANDIDATO
A presidenta da xestora lembrou que "están todos na mesma situación", é dicir, sen candidato, e tras "agradecer" a "preocupación" expresada nas preguntas que se lle formulan pola ausencia de candidato, resolveu que os socialistas galegos "van ter os seus procesos a través de primarias, onde cada compañeiro que desexe dar un paso adiante".
"Por certo, non fai falta ter o calendario aprobado para dar un paso adiante. Pódese dar un paso adiante en calquera momento", indicou, antes de "convidar a todos os compañeiros que queiran participar nese proceso, enriquecedor para construír este proceso para o futuro, que o fagan con total liberdade". "Porque iso significará , porque é a verdade, que temos moitísima xente que pode asumilo", remachou.
Neste sentido, asegurou que o PSdeG "estará preparado para calquera das datas que ao señor Feijóo ocórraselle presentar". "Se hai adianto, estaremos preparados, o que significa que o calendario de primarias fixarase pronto", remarcou Pilar Cancela, quen dixo que "previsiblemente" será antes de xuño.
Sobre as voces que deslegitiman a xestora, Pilar Cancela lembrou que a resolución de Ferraz establece as funcións de convocatoria do congreso para elixir nova dirección, polo que se mostrou en "absoluto" desacordo con estas ideas. "Este partido ten dirección orgánica e política", insistiu.