O balneario de Mondariz vese capaz de retardar a vellez
jueves, 14 de abril de 2016, 11:05
O balneario de Mondariz acolle esta fin de semana unhas xornadas dirixidas a futuros médicos, que se centrarán no papel que cumpren os centros termais de cara a favorecer o envellecemento activo das persoas da terceira idade.
Un grupo de estudantes de medicina da USC coñecerán o valor terapéutico das augas medicinais, "unha ferramenta moi valiosa" que contribúe a "retardar a vellez, segundo indicou a directora médico do Balneario, Laura Gómez.
Ademais, destaca a capacidade destas augas para "abordar certas patoloxías asociadas á idade", axudando tanto á prevención de enfermidades como ao tratamento e rehabilitación no caso de patoloxías crónicas de tipo reumatolóxico, respiratorio, dermatolóxico…
Gómez chega a asegurar que “grazas ao efecto antioxidante e antiinflamatario das augas mineiromedicinais retárdase o proceso de envellecemento. Ademais, o seu efecto estimulante favorece a reactivación da capacidade física e psíquica das persoas, en particular dos pacientes xeriátricos”.