Leiceaga fará 'alquimia' nas listas
jueves, 14 de julio de 2016, 19:49
O candidato do PSdeG á Presidencia da Xunta, Xoaquín Fernández Leiceaga, asumiu este xoves que, cando finalice o proceso de elaboración de candidaturas, "non vai quedar ninguén completamente contento". Iso si, engadiu, "con que quedemos todos medianamente contentos eu doume por satisfeito".
O candidato socialista ha querido evitar personalismos en canto á elección das persoas que formarán parte das listas e asegurou que "non é que trate de ceder terreo, é que ten que ser un traballo colectivo".
Nese sentido, engadiu que o proceso pasa primeiro por que as agrupacións fagan propostas, "logo hai un traballo de síntese e despois intervén tamén a sensibilidade que ten o candidato".
Fernández Leiceaga sinalou que "en ningún sitio o candidato é quen decide as listas. Sempre se fai un traballo colaborativo e nós estamos niso".
Para Leiceaga, a clave do éxito deste proceso, no que é indispensable a renovación, está en acertar co punto de equilibrio. "É unha cuestión de dose, de proporcións, un traballo de certa alquimia co obxectivo de buscar o mellor resultado global no conxunto de Galicia", concluíu.