Deteñen en Narón o acusado de secuestrar a súa ex parella en Ferrol
lunes, 18 de julio de 2016, 12:53
A Policía Nacional detivo esta noite a un home de Ferrol que supostamente secuestrou a súa ex parella tras golpear o actual noivo da moza cunha barra de ferro. A detención tivo lugar en Narón, na zona de O Feal, e, segundo afirman fontes policiais, o secuestrador atópase na comisaría de Ferrol.
As mesmas fontes aseguraron que a moza apareceu durante a madrugada deste luns en bo estado e, desde o Complexo Hospitalario Universitario de Ferrol, informaron de que a actual parella da muller, agredido polo detido, foi dado de alta tamén esta madrugada.
Os feitos tiveron lugar na tarde do domingo, á altura da rúa San Pedro, en Ferrol, onde o suposto agresor golpeou o actual noivo da moza cunha barra de ferro e introduciu a muller no seu vehículo.