Cristina Losada queda sen opoñentes nas primarias de Ciudadanos
miércoles, 10 de agosto de 2016, 11:06
A xornalista Cristina Losada será finalmente a candidata de Ciudadanos á Presidencia da Xunta, tendo en conta que as outras dúas persoas que anunciaron a súa intención de concorrer ás primarias non lograron os avais suficientes para presentarse.
Diso informou o secretario de Organización de C's, Fran Hervías, a través dun comunicado no que concretou que a viguesa, a aposta da dirección estatal para o cargo, obtivo 190 avais, por 66 de Juan Ferreiro e 15 de Bruno Calo. O mínimo establecido era de 93.
Xornalista e escritora, Cristina Losada (Vigo, 1954) é membro do consello de administración de Telemadrid, colaboradora en Libertad Digital, editora do blogue 'Heterodoxias.net' e presidenta da Asociación Vigueses por la Libertad.
O seu nome saíu á palestra a pasada fin de semana, cando o propio Hervías, na súa visita a Galicia, desvelou que era a aposta da directiva da formación laranxa. Ela, polo momento, non compareceu ante os medios de comunicación.