As reservas do grupo sanguíneo A+ atópanse baixas en Galicia
miércoles, 17 de agosto de 2016, 17:47
As reservas do grupo sanguíneo A positivo (A+) atópanse baixas na Comunidade galega, mentres que as da negativo (A-), Cero positivo (0+) e Cero negativo (0-) permanecen normais, segundo a información facilitada este mércores polo Centro de Transfusión de Galicia (CTG).
O CTG lembra que para poder atender as necesidades dos centros sanitarios galegos son necesarias 500 doazóns de sangue cada día, polo que subliña a importancia de acudir a doar de todos os grupos sanguíneos.
Co fin de facilitar a doazón, o vindeiro luns 22 de agosto, acudirán unidades móbiles do CTG aos municipios coruñeses da Capela --diante do centro de saúde--, Ordes --entre os parques municipais--, A Coruña --Cantón Pequeno-- e Ames --Bertamiráns na Avenida Mahía--.
Ademais, o luns desprazaranse unidades ao concello lucense de Cervo --San Cibrao, fronte ao Banco Pastor--; así como a Ourense --Rúa do Paseo--; e aos municipios pontevedreses de Gondomar --Estación de Autobuses--, Pontevedra --zona Ferrería-- e Nigrán --diante do centro cultural de Carrasca--.