Unha nena resulta ferida tras ser atropelada en Parada de Sil
domingo, 21 de agosto de 2016, 11:54
O accidente ocorreu no mediodía deste sábado no lugar de Teimende, ata onde se desprazou o helicóptero medicalizado con base en Ourense, que trasladou á menor a un centro sanitario.
Ao lugar tamén acudiron o Grupo de Emerxencias Supramunicipal de Castro de Rei e axentes da Garda Civil de Tráfico, así como unha ambulancia de Urxencias Médicas que atendeu á nena antes de que fose evacuada polo helicóptero.
Polo momento descoñécese o estado da menor tras o accidente.
OUTRO MENOR FERIDO
Outro neno resultou ferido en Mos nunha colisión múltiple na que se viron implicados tres vehículos. En concreto, o sinistro produciuse na N-550, a estrada que une Redondela co Porriño, á altura de Vos Valos.
Unha persoa particular contactou co 112 Galicia ás 13,40 horas deste sábado para alertar do accidente, polo que o persoal do CAE 112 Galicia puxo os feitos en coñecemento de Urxencias Médicas e dos Bombeiros do Baixo Miño. Tamén se informou a Protección Civil e á Garda Civil de Tráfico.
Os efectivos sanitarios trasladaron ao menor en ambulancia ao Hospital Álvaro Cunqueiro de Vigo. Permanece ingresado e descoñécese o estado de gravidade no que se atopa.