En Marea acusa a Rajoy de vender "fume"
martes, 30 de agosto de 2016, 19:25
A portavoz de En Marea no Congreso, Alexandra Fernández, considerou que o discurso de investidura de Mariano Rajoy sitúa ao líder do PP "fóra da realidade" e "vendendo fume".
Fernández opinou que Rajoy preséntase no Congreso "cunha especie de chantaxe" ao estilo de "ou eu ou o caos", coma se fose a única posibilidade: "En Moncloa e en Genova deben de ser os únicos sitios onde aínda cren que o PP gañou as eleccións, pero están en minoría", sinalou.
Ao seu xuízo, Rajoy está afeito a unhas formas "que pasan polo rodete e a prepotencia", pero "vive fóra da realidade", por máis que trate de "vender fume e 'parole, parole'.
En todo caso, En Marea segue apostando por buscar unha alternativa: "Vemos a Rajoy incapaz de saír elixido e darémoslle o 'non', pero imos seguir tendendo a man e seguiremos abrindo vías para que sexa posible outra maioría", sinalou.