O perímetro de rastrexo de Diana é cada vez máis amplo
domingo, 11 de septiembre de 2016, 13:31
Vanse cumprir tres semanas desde que Diana Quer non regresou a casa e a investigación segue sen dar co paradoiro da moza nin coas circunstancias da desaparición. Para conseguilo considéranse fundamentais as imaxes que puideran recoller as cámaras de seguridade e de tráfico espalladas pola Barbanza, nun perímetro cada vez máis amplo.
Algunhas das gravacións xa están no poder dos investigadores, que estes días rastrexaron distintos puntos da zona, coma o porto de Taragoña. Iso non quere dicir que se estean cercando as pescudas, senón que se teñen en conta todos os lugares que poidan revelar indicios para as distintas liñas de investigación, segundo Arsenio Fernández de Mesa, director xeral da Garda Civil.
Coñecíase estes días que pode existir xa un perfil e incluso a identificación dalgún sospeitoso neste caso, pero o segredo de sumario decretado impide revelar os avances.