Expertos analizan a figura galega, feminista e universal de Kathleen March
jueves, 27 de octubre de 2016, 10:38
O intenso legado da 'galicianista' Kathleen March centra este xoves unha xornada no Consello da Cultura Galega de Santiago, que servirá para analizar a transcendencia desta autora na proxección internacional da literatura galega.
A xornada, coordinada por Teresa López e Dores Vilavedra e organizada pola Comisión de Igualdade do Consello, conta cunha sesión científica na que distintos expertos analizarán o seu traballo de tradución e presentarán a súa cartografía realizada por Mariam Mariño para o Álbum de Mulleres.
Durante a tarde haberá tempo para unha mesa de debate e unha conversación de Marga Romeu coa propia Kathleen March. Finalmente, realizarase unha visita á exposición instalada no Consello da Cultura Galega para dar a coñecer a súa faceta de artista plástica.