Acusan a Santos de incumprir o "código ético" de En Marea ao acumular cargos
sábado, 29 de octubre de 2016, 18:07
A Asemblea de Concellos de Podemos Galicia acusou á secretaria xeral da formación morada en Galicia e deputada autonómica de En Marea, Carmen Santos, de incumprir o "código ético" do partido instrumental ao acumular un cargo institucional con outro representativo nunha organización política.
A Asemblea de Concellos pide á Coordinadora de En Marea que explique os "prazos e medidas" que vai tomar o partido instrumental en aplicación do seu código ético aprobado na asemblea constituínte do 30 de xullo.
Segundo lembra a Asemblea, este código establece a "incompatibilidade de representantes" para "evitar unha acumulación de poderes" de forma que as persoas electas, o persoal de confianza e os cargos institucionais "son incompatibles" co "desempeño de altos cargos representativos nas organizacións políticas e sindicais".
"Como saberán a secretaria xeral de Podemos Galicia, do mesmo xeito que cinco compañeiros máis nomeados parlamentarios incluíndo o secretario de Organización, cumpren a incompatibilidade reflectida nos documentos" de En Marea, explica a Asemblea de Concellos de Podemos.
Por iso, considera necesario que a Coordinadora de En Marea tome "algún tipo de medida de oficio" como "enviarlles o código ético aos interesados para o seu coñecemento" ou "algún tipo de recomendación" para que cumpran as condicións do documento antes do seu traslado ao Comité de ética e garantías que debe aplicar o seu contido.