Feijóo é investido Presidente de Galicia por terceira vez
jueves, 10 de noviembre de 2016, 18:51
O pleno do Parlamento de Galicia aprobou hoxe a investidura do candidato do PPdeG á presidencia da Xunta, Alberto Núñez Feijóo. O candidato á reelección contou cos apoios do seu grupo parlamentario e os votos en contra do resto da cámara.
Era o resultado esperado para esta sesión de investidura, na que Núñez Feijóo foi investido presidente da Xunta de Galicia por terceira vez co apoio dos 41 deputados do PPdeG e o rexeitamento do resto dos 75 integrantes da Cámara galega.
TOMA DE POSESIÓN
Cumprido o trámite parlamentario e, despois de que o presidente do Parlamento, Miguel Santalices, comunique ao rei Felipe VI o resultado da votación, está previsto que Feijóo tome posesión do seu cargo nun acto que acollerá o Parlamento galego o sábado.
Se segue o esquema das anteriores ocasións, Feijóo optará por prometer o seu cargo e, tras un acto máis festivo na Praza do Obradoiro, pechará o seu novo goberno. En canto á súa composición, que dará a coñecer o domingo, no PPdeG dan por feito a continuidade da maioría dos conselleiros.