AD recompón o seu consello de administración con Rubín Carballo e Temes Montes
miércoles, 16 de noviembre de 2016, 11:56
A téxtil ourensá Adolfo Domínguez vén de comunicar unha remodelación no seu consello de administración tras a dimisión de dous dos seus membros tres meses despois do seu nomeamento: Juan Antonio Chaparro, proveniente de Inditex, e Fuencisla Clemares, de Google, que, segundo informou a sociedade á Comisión Nacional do Mercado de Valores, deixan os seus postos por razóns persoais e profesionais, respectivamente.
As vacantes que deixan serán cubertas por dous novos conselleiros independentes, ambos provenientes de mundos que non teñen que ver co mundo da moda: José Manuel Rubín Carballo e José Luis Temes Montes. Rubín é xornalista e foi delegado de La Voz de Galicia en Ourense, mentres que Temes é doutor en Medicamento e dirixe a empresa de asesoría sanitaria Mestesa.
O consello reunirase de novo nuns días para valorar as negociacións e adoptar unha decisión en relación coa posible incorporación do exdirectivo de Inditex Kostas Antimissaris como novo conselleiro delegado.