O PIB de Galicia acumula un aumento anual do 3,3%
jueves, 24 de noviembre de 2016, 10:02
O produto interior bruto (PIB) de Galicia creceu un 0,9% no terceiro trimestre en relación co trimestre anterior, e a subida foi do 3,3% respecto ao mesmo período de 2015, segundo os datos que publica este xoves o Instituto Galego de Estatística (IGE).
No conxunto estatal, a economía rexistrou un incremento do 0,7% intertrimestral, de modo que acumula un aumento interanual do 3,2%.
Así as cousas, mentres o PIB de toda España experimenta unha freada, na comunidade galega a evolución é a contraria, cun crecemento unha décima superior á do segundo trimestre.