Morre en Curtis o condutor que se precipitou desde unha ponte co seu camión
martes, 29 de noviembre de 2016, 10:11
Un home duns 40 anos morreu este martes nun accidente de tráfico en Curtis (A Coruña), na N-634, ao precipitarse desde unha ponte a un río, segundo informan a Europa Press fontes de Protección Civil da localidade.
O sinistro produciuse sobre as 8,00 horas, cando medios desprazados ata o punto constataron que había no interior do vehículo unha persoa atrapada, polo que procederon á súa excarceración. Este labor foi bastante complicado polo difícil acceso, segundo as mesmas fontes.
Unha vez accederon ao interior do camión, para o que foron necesarios aproximadamente tres cuartos de hora, comprobaron que o home estaba inconsciente e sen pulso. Os servizos sanitarios de urxencia só puideron certificar o seu falecemento.