Falece atropelado un septuaxenario en Láncara
martes, 10 de enero de 2017, 09:35
Un home duns 75 anos de idade faleceu despois de ser atropelado por un turismo na mañá deste martes na localidade luguesa de Láncara.
Segundo informou o CAE 112 Galicia, os feitos ocorreron sobre as 8 da mañá deste martes no punto quilométrico 10 da estrada LU-546, na parroquia de Pobra de San Xiao.
Foi un particular o que solicitou asistencia sanitaria para un home que acababa de ser atropelado e indicou, ademais, que o home estaba inconsciente.
Por iso, o 112 Galicia pasou aviso a Urxencias Sanitarias e á Garda Civil de Tráfico. Os Bombeiros de Sarria e o persoal do servizo de mantemento da estrada tamén foron informados do suceso.
En concreto, segundo sinalaron a Europa Press fontes sanitarias, o 061 desprazou ao momento unha ambulancia asistencial e un médico de Atención Primaria da zona que confirmou o falecemento no lugar do home, M.T.C., de 75 anos.