Localidades das provincias da Coruña e Ourense acollen a partir deste luns varias xornadas sobre robótica

|

Varias localidades das provincias da Coruña e Ourense acollen a partir deste luns diferentes xornadas sobre robótica, pilotaxe de drones, creación de aplicacións e videoxogos ademais de animación 3D, dentro do programa 'TechKids'.

A iniciativa está organizada polo colexio profesional de Enxeñería en Informática de Galicia (CPEIG) xunto coa Axencia para a Modernización Tecnolóxica (Amtega) e se levará a cabo este luns no concello coruñés de Boiro, mentres que o martes no Barco de Valdeorras (Ourense), o xoves 22 en Pontedeume (A Coruña) e o venres en Betanzos (A Coruña).

Así, a cita enmárcase dentro do Plan Digitalent de Amtega e, segundo informa esta entidade nun comunicado, a finalidade do programa é a de "fomentar" o interese pola ciencia e a tecnoloxía entre a mocidade galega. Durante os meses de verán levaranse a cabo varias actividades deste tipo por toda a Comunidade.

ACTIVIDADES
Nestas xornadas están previstos talleres sobre 'Robótica para tod@s', unha actividade na que se mesturan algoritmos e linguaxes co funcionamento de distintos robots. Así mesmo, o público obxectivo son os nenos e nenas de entre 9 e 16 anos.

O obxectivo da robótica, tal e como informou a entidade organizadora, é o de "separar" ao alumnado da pantalla e facer que "interactúe co mundo real" a través dos sensores e dos actuadores dun robot.

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress