Pontevedra aposta polo móbil para o turismo

Román destacou a facilidade de utilizar esta nova tecnoloxía, e que non se require instalar ningunha aplicación

Carlota Román, concelleira de Turismo de Pontevedra, anunciou a posta en marcha dun programa que dará información aos turistas a través dos seus teléfonos móbiles.

Para iso, a capital da provincia e o seis áreas de arte rupestre da comarca, contan con paneis con códigos QR, cuxa lectura a través do móbil leva a información detallada dos lugares.

Román destacou a facilidade de utilizar esta nova tecnoloxía, e o feito de que non se require instalar ningunha aplicación, pois toda a información ofrecida atópase na nube. “Queremos que a xente que veña a Pontevedra teña unha opción rápida e distinta de acceder aos datos que precisan para realizar unha visita máis enriquecedora,” explicou. “Non é o mesmo visitar uns petróglifos ou unha praza do Centro Histórico sen ter máis información que a rexistran os ollos, que dispor antes dunhas pinceladas sobre a súa orixe, que nos chegan a través dun formato cómodo e atractivo.”

A información atópase dispoñible en tres linguas: castelán, galego e inglés, e cóntase cun sistema de detección automática de idioma de acordo á procedencia do usuario. En todos os casos os visitantes teñen tamén a opción de acceder á web de Terras de Pontevedra, onde hai dispoñible máis información.

No que concierne á Capital das Rías Baixas, o panel situado na Casa da Luz permite planificar unha visita ao longo das 15 paradas que configuran os principais fitos patrimoniais e artísticos. Inclúe unha breve explicación e fotografías. Ademais, ofrécese o geoposicionamiento para facilitar o desprazamento ordenado por cada un dos puntos.

No caso das áreas de arte rupestre, estas atópanse nos municipios de Campo Lameiro, Cotobade, Poio, Marín, Pontecaldelas e Vilaboa.

Turismo de Pontevedra tamén se dotou dun panel pequeno que é transportable nun atril e que dará información da zona aos asistentes a feiras, congresos e eventos deportivos.