Piden máis de tres anos de cárcere para un usuario dun xeriátrico acusado de tentar abusar sexualmente dun compañeiro

Fiscalía solicita tres anos e medio de cárcere para un usuario dun xeriátrico de Monforte (Lugo) acusado de tentar abusar sexualmente dun compañeiro de residencia afectado por unha deterioración cognitiva grave causado por unha enfermidade.

Na vista, que arrinca o vindeiro mércores 19 na Audiencia Provincial de Lugo, xulgaranse uns feitos rexistrados no ano 2015 e que o Ministerio Público considera constitutivos dun delito de abuso sexual en grao de tentativa, polos que pide, ademais de tres anos e medio de prisión, outros dous en réxime de liberdade vixiada durante os cales debería acudir a programas de educación sexual.

En concreto, o procesado está acusado de tentar agredir sexualmente a un compañeiro que sofre encefalopatía de Wernicke-Korsakoff con neuritis tóxica etílica e epilepsia alcohólica, patoloxía pola que presenta unha deterioración cognitiva grave que o fai ser dependente nas tarefas da vida diaria.

Así, Fiscalía sostén que o acusado entrou na habitación da vítima e, aproveitándose do estado deste, baixouse os seus pantalóns e fixo o mesmo cos do suposto agredido para, a continuación, empuxalo contra unha parede e empezar a fregarse contra el.

O episodio foi abortado por unha das traballadoras do centro.