POLIGONO DO TAMBRE, SANTIAGO DE COMPOSTELA

A ministra Fátima Báñez afirma que cada día o emprego é de maior calidade

|

           A conselleira de Traballo, Beatriz Mato, e a ministra de Emprego, visitaron hoxe o centro especial de

           emprego de ‘Trameve’, no polígono do Tambre 


A ministra de Empleo y Seguridad Social, Fátima Báñez, asegurou este martes que "cada día o emprego é de maior calidade" en España, aínda que avisa de que "queda moito por facer" e, "polo tanto, compracencia cero".


Nun acto de entrega de certificados de profesionalidade en Santiago de Compostela xunto ao presidente da Xunta, Alberto Núñez Feijóo, Fátima Báñez puxo en valor que en España "cada día hai menos paro e cada día hai máis emprego", aínda que deixou claro que no Goberno non son "conformistas".


Así, reiterou que o obxectivo é chegar a 20 millóns de ocupados en España, mentres remarcou que en España hai agora "máis emprego que ao inicio da lexislatura". "Non é un obxectivo doado, pero é realista", subliñou.


Tamén volveu repetir as previsións achegadas nos últimos meses de que este ano se prevén crear en España uns 600.000 empregos, e uns 35.000 deles en Galicia.


Así, remarcou que España está "liderando" o crecemento e a creación de emprego na UE, debido "ao esforzo compartido da sociedade española" e "as administracións públicas que apostaron polo emprego", co fin da "saída definitiva da crise". "Queremos que na recuperación ninguén quede atrás", apostilou.


EXEMPLO DE GALICIA


Durante a súa intervención, Fátima Báñez puxo a Galicia como exemplo de "boas prácticas" en materia de emprego e oportunidades, onde recoñeceu o labor do presidente da Xunta, Alberto Núñez Feijóo.


Ao respecto, recordou que en Galicia hai agora máis de 19.000 parados menos que en 2011, mentres que no último ano se crearon máis de 26.000 empregos.


Nesta liña, remarca que na Comunidade galega a contratación indefinida aumenta un ritmo interanual do 10%, cando hai anos se reducía ao 37%.


CERTIFICADOS DE PROFESIONALIDADE


Así as cousas, neste acto de entrega dunhas 1.600 certificados de profesionalidade no ámbito sociosanitario, control de pragas ou socorrismo, Fátima Báñez ofreceu o dato de que o 64% dos desempregados que obtiveron un acreditación oficial deste tipo conseguiron emprego.


Neste sentido, indicou que a expedición de certificados de profesionalidade pasou en España de 29.000 en 2013 a un total de 69.000 en 2014. Por iso, nun ano multiplicáronse por "2,3 veces".


Así mesmo, a ministra de Empleo sinalou que unhas 369.000 persoas realizaron programas de formación profesional dual dende a súa posta en marcha.


Tamén fixo fincapé Báñez en que dos catro millóns de parados en España, uns dous millóns non superaron a formación secundaria obrigatoria. O cal contrapuxo con que a taxa de paro de quen tes estudios superiores é do 14,2%.


GALICIA, "ENGANCHADA" Á RECUPERACIÓN


Pola súa banda, durante este acto o presidente da Xunta, Alberto Núñez Feijóo, defendeu a súa xestión en Galicia dende 2009 en materia de emprego, posto que mentres contou "cun 20% menos de presuposto, as prazas de Formación Profesional aumentaron nun 45%.


Deste modo, Feijóo remarcou que a Comunidade galega foi pioneira no acceso na expedición de acreditacións profesionais, con sete convocatorias e miles de prazas ofertadas.


Por todo iso, sostén que Galicia "xa está enganchada á recuperación económica", mentres aposta pola formación para "ter as chaves que abren as portas a un futuro mellor", e afirma que se vai conseguir "máis emprego" na Comunidade.


Xunto a isto, avanzou que no próximo mes de outubro Galicia será sede dunha reunión, en colaboración co Ministerio de Empleo, para analizar boas prácticas en materia de emprego en España.


PROTESTA DE TRABALLADORES DE QUIOSCOS


Nos exteriores do Pazo de Congresos de Santiago, onde tivo lugar o acto, atopábanse concentrados traballadores da Rede Galega de Kioscos, dependente de Cogami, que levan varios meses sin cobrar e atópanse afectados por un ERE extintivo.


Así, durante a saída do presidente da Xunta, Alberto Núñez Feijóo; a conselleira de Traballo e Benestar, Beatriz Mato; e a ministra de Empleo, Fátima Báñez; os traballadores berraron: "Desvergonzados e Feijóo cabrón, devolve as subvencións".


Estes traballadores denuncian que Cogami recibiu durante anos subvencións "millonarias" da Xunta, mentres despide decenas de traballadores de quioscos.


Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial
Powered by Bigpress