#Claves de la semana
UN 1,9% MÁIS

A pensión media sitúase en xuño en Galicia en 747,84 euros

A contía das correspondentes a xubilación foi de 847,09 euros na comunidade galega


|

2012_4_23_11197s250x_1.jpg

A pensión media do sistema situouse en xuño en Galicia en 747,84 euros, o que supón un 1,9% máis que no mesmo mes do ano anterior, segundo os datos que publica este xoves o Ministerio de Emprego e Seguridade Social.


Na Coruña, esta contía chegou a 788,45 euros, e en Pontevedra foi de 788,05 euros, mentres en Lugo quedou en 662,73 euros e en Ourense en 647,01.

O número de pensións, pola súa banda, ascendeu un 0,6%, ata 749.749, o que representa un 8,1% sobre o total do estado, que alcanzaron as 9.293.058.

Por tipo de pensión, a comunidade rexistrou 464.830 por xubilación, cun importe medio de 847,09 euros; 186.595 de viuvez, por 533,37 euros; 68.469 por incapacidade permanente, de 816,27 euros de media; 23.941 por orfandade, por 364,89 euros; 5.914 por favor de familiares, por 470,81 euros.

DATOS ESTATAIS

Del conxunto estatal, a Seguridade Social destinou no presente mes de xuño a cifra marca de 8.237,9 millóns de euros ao pagamento das pensións contributivas, un 2,9% máis que no mesmo mes de 2014.

A pensión media de xubilación alcanzou a principios deste mes os 1.020,80 euros mensuais, o que supón un 2,1% máis respecto a xuño de 2014.

Pola súa parte, a pensión media do sistema, que comprende as distintas clases de pensión (xubilación, incapacidade permanente, viuvez, orfandade e a favor de familiares), situouse ao iniciarse este mes en 886,46 euros mensuais, o que supón un aumento interanual do 1,8%.

En xuño, o número de pensións contributivas da Seguridade Social situouse en 9.293.058, cun crecemento interanual do 1,1%. Delas, máis de 5,63 millóns eran pensións de xubilación. 

Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE