COIMBRA (PORTUGAL)

A exposición de Turismo de Galicia ‘Peregrinatio. O Camiño de San Francisco a Santiago’ chega a cidade portuguesa de Coimbra

|

O Museu Nacional Machado de Castro na cidade de Coimbra acolle ata o día 30 de agosto a exposición audiovisual ‘Peregrinatio. O Camiño de San Francisco a Santiago’.


Trátase dunha exposición itinerante organizada por Turismo de Galicia que xa visitou as cidades de Lisboa, León, Astorga, Ponferrada, Villafranca e Oviedo e numerosas vilas galegas.


A exposición audiovisual é froito da viaxe realizada polo fotógrafo Manuel Valcárcel e o músico Alexandre González a través de Italia, Francia, o norte de España e a Galicia xacobea, seguindo a mesma ruta que San Francisco percorreu en 1214 desde Asís a Compostela.


Durante a súa peregrinación, os autores amosáronse atentos á tradición cultural e á relixiosidade que impregna os lugares e os camiños a Santiago. Así, nas mostra pódense observar paisaxes culturais e espazos sacros ligados á orixe evanxélica da tradición cristiá sobre a que se asenta a mentalidade e a historia cultural dos pobos de Europa.


A exposición ofrece unha interpretación de gran beleza sobre o Camiño de Santiago, afondando no fenómeno da peregrinación. As claves principais deste feito histórico vivo –os seus valores universais, o seu legado cultural, a súa capacidade para potenciar aspectos como a comprensión, o intercambio, a solidariedade, a hospitalidade– están recollidas neste traballo destes dos artistas novos galegos que, asumindo o seu papel de peregrinos, souberon ver en camiños e santuarios a esencia dun fenómeno único.


Do do 3 ao 27 de setembro a mostra chegará ao Museu Nacional Soares dos Reis, na cidade de Porto.

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress