INICIATIVA LEXISLATIVA POPULAR

A CIG reclama unha tarifa enerxética galega para atraer empresas foráneas

|

Xabier Aboi e Marcos Conde na rolda de prensa deste venres.


A Confederación Intersindical Galega anunciou este venres nunha rolda de prensa o inicio dunha campaña que ten como obxectivo a creación dunha tarifa eléctrica galega. O 30 de outubro é a data límite para presentar as dez mil firmas necesarias, cantidade que Marcos Conde, secretario comarcal, considera que se alcanzará con fartura. Conde explica que a iniciativa tamén ten un obxectivo socializador, capaz de crear un debate que poña no punto de mira unha situación ao seu xuízo inxusta, que afecta tanto a empresas como a familias. O secretario comarcal non entende como Galicia, sendo unha potencia enerxética a nivel nacional, exportando o 40% da súa enerxía, non logra ter ningún tipo de contraprestación que se traduza directamente na creación de emprego. "Se nos deixaran ser máis competitivos cos prezos da enerxía poderiamos ofertarlle a outras empresas poder situarse en Galicia cunhas condicións máis vantaxosas", explica.


A preocupación nace como froito da anterior Iniciativa Lexislativa Popular impulsada polo sindicato relacionada coas medidas para a creación de emprego. A través de estudos pormenorizados, a CIG detectou unha relación entre o nivel de gasto en enerxía eléctrica e o asentamento de empresas na comunidade autonóma. "Aquí desapareceron firmas con máis de 200 traballadores. En vilas pequenas hai empresas que significan ou 70% do consumo de enerxía en Galicia, e cada tres meses teñen a navalla non pescozo", afirma o representante da confederación, Xabier Aboi.


POBREZA ENERGÉTICA. 


Doutra banda, a campaña tamén é consecuencia duns datos preocupantes relacionados coa pobreza enerxética en Galicia. Máis de 100 mil familias galegas utilizan o 10% ou máis dos seus recursos para pagar a factura da electricidade, o que se traduce en 800 mortes ao ano como consecuencia de doenzas ou accidentes derivados do frío. Esta realidade, segundo explicou Conde, débese a dous motivos: os salarios son cada vez máis baixos e o prezo das tarifas non fai máis que crecer. De feito, o prezo disparouse un 76% na última década, sendo da media anual 400 euros máis que en 2005. 


"Aquí quen dita ou tema son as eléctricas, que estaban na ruína ata que formaron holdings con empresas especulativas", sentenza Aboi. Tamén recordou que a cuestión non ten que ver co nacionalismo, xa que foi o propio o PP o que posibilitou a petición, pactando unha tarifa especial no País Vasco a través dun acordo co Goberno do PNV. "Se alguén o leva polo tema nacionalista, de acordo, pero a porta abriulla o propio PP co seu acordo co PNV", asegurou o sindicalista.


O proxecto xa foi trasladado aos delegados que, a través das súas asembleas, darán a coñecer a iniciativa. A semana está previsto dar inicio en Pontevedra á presentación de mocións aos concellos, solicitando que nos plenos debátase a iniciativa, co fin de conseguir o seu apoio para trasladala á Xunta.

No caso de que esta reciba a petición, Marcos Conde espera que Alberto Núñez Feijóo saiba deixar de lado as súas diferenzas coa CIG. "Significaría que está a gobernar para Galicia".

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress