#Claves de la semana
MAIS INFRAESTRUCTURAS PARA PONTEVEDRA

A Deputación e o Concello de Pontevedra asinan un protocolo para infraestruturas por uns 10 millóns de euros

O diñeirp servirá para acometer as obras do novo acceso ao barrio de Monte Porreiro, o saneamento das parroquias de Mourente e Bora e o do Río Gafos


|

Lores e Silva, asinando o protocolo


A presidenta da Deputación, Carmela Silva e o alcalde de Pontevedra, Miguel Anxo Fernández Lores, asinaron un protocolo de colaboración sobre infraestruturas viarias e dotacionais, valorado de maneira global nuns dez millóns de euros, aproximadamente.


Trátase dun acordo marco que acollerá no futuro as actuacións conxuntas que ambas as institucións desenvolverán durante o próximos catro anos.


Fernández Lores agradeceu a formulación do novo goberno da Deputación "de ter en consideración a opinión e as necesidades dos concellos" á hora de pechar este tipo de acordos. "Neste caso cúmprese na súa totalidade o enfoque que lle queremos dar", engadiu.


Neste sentido, o alcalde da capital lembrou que outros acordos subscritos coa Xunta ou co Ministerio de Fomento "eran puntuais" e que nalgúns casos foron "escasos". Respecto ao anterior goberno provincial presidido por Rafael Louzán sinalou que os acordos que se asinaron "eran a salto de mata, sen planificación previa".


"SATISFACCIÓN"


Carmela Silva mostrou a súa "satisfacción" por este acordo conxunto que, ao seu xuízo, ratifica o compromiso que o PSOE e o BNG marcaron ao asumir o goberno provincial "son os concellos os que teñen o protagonismo desta nova Deputación", afirmou.


O alcalde indicou que entre outros investimentos incluirase o novo acceso ao barrio de Monte Porreiro e o saneamento das parroquias de Mourente e Bora, e o do río Gafos "dado que a Xunta non cumpriu", dixo o alcalde.


Tamén se corrixirá o "déficit de infraestruturas deportivas" do municipio coa construción de novos campos de herba sintética e un novo pavillón de competición.


Finalmente, inclúese a recuperación da Xunqueira de Alba, onde existen instalacións do Ministerio de Medio Ambiente, da Xefatura provincial de Tráfico e a sede do Parque de Maquinaria e a Imprenta Provincial. A intención do Concello de Pontevedra é que no espazo que agora ocupan estas infraestruturas se dote dalgún equipamento deportivo.

Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE