Yosi Domínguez, trasladado ao hospital tras sufrir un accidente nun concerto en Ponferrada

O cantante dos Suaves, Yosi Dominguez, sufriu un accidente este sábado, durante un concerto que ofrecía a banda en Ponferrada, e tivo que ser trasladado a un centro sanitario. 

O suceso produciuse cando se achegaba o final da súa actuación e o cantante intentou tirase sobre o público. Pero, no canto de conseguir un apoteósico final, caeu sobre uns valos golpeándose a coxa da perna dereita. 

Foi ingresado en Urxencias no Hospital do Bierzo, onde lle trataron dun forte impacto na coxa que ao parecer e por fortuna nin sequera foi acompañado dunha fractura. Loxicamente, o concerto tivo que ser suspendido a partir dese momento. 

Segundo informaron os seus compañeiros dos Suaves a través das redes sociais, Yosi Domínguez xa se atopaba o domingo "perfectamente", despois do susto e a "tensión" do momento. 

Aquí deixámosvos o VÍDEO do accidentado concerto: