Por fin poden incorporarse os buzos á busca dos mariñeiros desaparecidos en Cíes
Despois de varios días lastrados polas malas condicións do mar, este xoves finalmente puideron incorporarse os buzos ao complexo operativo que busca os dous mariñeiros desaparecidos o pasado venres ao Sur das Illas Cíes.
Máis dunha vintena de mergulladores buscarán na zona do afundimento da embarcación 'Látigo', intentando localizar baixo a auga os dous mariñeiros desaparecidos.
Ademais dos buzos da Garda Civil, dos Bombeiros e de Salvamento Marítimo, tamén participan na operación varios mergulladores profesionais que se presentaron voluntarios para axudar a localizar aos dous mariñeiros.
Tras atopar os restos da embarcación o pasado sábado, o luns os mergulladores xa avaliaran a posibilidade de mergullarse nas inmediacións do naufraxio, pero as malas condicións do mar impediron a súa actuación, polo que se acordou esperar a que mellorasen as condicións meteorolóxicas para realizar inmersións coordinadas.
Escribe tu comentario