Galicia prepárase para o lume
Unha reunión ultima os detalles de coordinación antes de que comece a tempada de alto risco.
O Comité de coordinación policial contra incendios deixou preparada este venres a campaña de alto risco que coincide coa tempada estival.
A través dun encontro presidido polo director xeral de Ordenación e Produción Forestal, Tomás Fernández Couto, abordáronse as diferentes posibilidades existentes para mellorar a coordinación entre os diferentes departamentos implicados nas labores de prevención, vixiancia, defensa e extinción dos incendio forestais de Galicia.
Estudáronse informes relacionados coas áreas que tradicionalmente rexistran unha maior actividade incendiaria, así como medidas postas en marcha para o seguimento e control da acción delituosa nestas zonas.
Ademais, fíxose un seguimento do cumprimento de diferentes aspectos relacionados coa normativa de prevención e defensa contra os incendios forestais de Galicia, moi especialmente no referido ás comunicacións e autorizacións de queimas.
Escribe tu comentario